Programi Middle Years IB ndiqet nga klasa e 6-të deri në klasën e 10- të. Ky program u mundëson nxënësve të zhvillojnë njohuritë, aftësitë dhe të jenë të aftë të përballojne jetën në shekullin e XXI-të.

Nxënësit do të ndjekin lëndët e detyrueshme: Anglisht, Gjuhë të Huaj, Shkenca Shoqërore, Shkenca të Natyrës dhe Matematikë, gjithashtu Edukim Fizik, Art, Dramë, Muzikë, Informacion dhe Teknologji Dizajni.

Programi Middle Years IB bazohet në tri bërthama kryesore të njohura si Koncepte Fondamentale, të cilat janë:

- Ndërgjegjësimi Ndërkulturor - fokusohet në zhvillimin e sjelljeve, njohurive dhe aftësive të nxënësve, ndërkohë që njihen me kultura të tjera. Ky program nxit tolerancën dhe respektin dhe çon në ndjeshmëri dhe mirëkuptim.

- Edukimi i Përgjithshëm - bën ndërlidhjen e të gjitha lëndëve të studiuara përmes Programit të Middle Years: "Fushat e Ndërveprimit".

- Komunikimi - fokusohet tek rëndësina kryesore e komunikimit verbal dhe jo verbal, duke vendosur theksin tek përvetësimi i gjuhës.

Model Kurikulumi Programi Middle Years

Nxënësi është në qendër të modelit të kurikulumit për Programin Middle Years, i rrethuar nga pesë "Fushat e Ndërveprimit", që lidh nxënësin me secilin nga grupet e përbëra nga tetë lëndë.

Programi ofron mësim të strukturuar gjatë çdo viti në secilin prej tetë grupeve për të arritur një edukim të gjerë dhe të balancuar. Të gjitha lëndët janë të një rëndësie të barabartë.

Fushat e Ndërveprimit

Pesë Fushat e Ndërveprimit janë thelbi dallues i këtij programi. Ato studiohen gjatë pesë viteve të programit kryesisht përmes lëndëve, por edhe nëpërmjet metodave ndërdisiplinore, projekteve dhe programeve të veçanta. Pesë Fushat e Ndërveprimit janë:

- Përqasja me të Mësuarin - konsiston në zhvillimin e aftësive intelektuale, sjelljeve, strategjive dhe praktikave që zhvillojnë mendimin kritik, të pavarur e koherent si dhe në rritjen e kapaciteteve në vendimarrje dhe zgjidhjen e problemeve.

- Shërbimi ndaj Komunitetit - theksi vihet në zhvillimin e ndërgjegjjes shoqërore, të ndjenjës së përgjegjësisë dhe aftësive të nevojshme për të dhënë një kontribut efektiv në shoqëri.

- Edukimi Shëndetësor & Social - synon edukimin e nxënësit, përgatitjen e tij për një jetë fizikisht e mendërisht të shëndetshme si dhe ndërgjegjësimin për rreziqet e mundshme dhe aftësimin në bërjen e zgjedhjeve të informuara.

- Mjedisi - synon t'i bëjë nxënësit të vetëdijshëm për ndërvarësinë e tyre ndaj mjedisit dhe për ruajtjen e tij në të ardhmen; çdo ditë nxënësit përballen me çështje globale të mjedisit - politike dhe ekonomike - të cilat kërkojnë të kuptuarit në mënyrë të ekuilibruar.

- Zgjuarsia e Njeriut (Homo Faber) - lëndë që bën fjalë për historikun e gjenive dhe si kanë ndikuar ata në shoqëri. Nxënësit këtu mësojnë të vlerësojnë sesi kapaciteti njerëzor ndikon, transformon, shijon dhe përmirëson cilësinë e jetës.

Projekti Personal
Projekti Personal është hallkë e rëndësishme e punës, produkt i iniciativës personale të nxënësit dhe pasqyron përvojën e tij gjatë Programit Middle Years. Ky projekt përmbushet gjatë vitit të fundit të këtij programi

Projekti personal mund të marrë disa forma. Për shembull:
- Një punim i shkruar mbi një temë të veçantë (letrare, sociale, psikologjike dhe antropologjike)

- Një ese letrar (shkrim krijues)

- Një eksperiment origjinal shkencor

- Një shpikje, objekt apo sistem i projektuar

- Prezantimi i një plani biznesi, menaxhimi ose organizativ, i një eventi të veçantë apo i krijimit të një organizate të re studentore.

- Një pune origjinale arti (dramatik, vizual apo interpretim)

Proçesi i Vlerësimit
Vlerësimi kryhet nga mësuesit që përdorin ekspertizën e tyre profesionale për të bërë gjykime të bazuara në Kriteret e Vlerësimit të Programit siç është përcaktuar për çdo lëndë.
Nxënësit vlerësohen mbi një bazë vazhdueshmërie dhe do t'i nënshtrohen provimeve në çdo fund viti shkollor.
Në përputhje me Sistemin e Notave, studentët vlerësohen mbi bazën 1-7, ku 1 është shumë e dobët dhe 7 është e shkëlqyer.

Studentët e diplomuar në MYP IB janë pranuar në institucionet e Arsimit të Lartë në vendet e mëposhtme:

Britani e Madhe, SHBA, Australi, Kanada, Republika Çeke, Francë, Gjermani, Japoni, Thailand dhe Zvicër, Hong Kong

Procesi i Pranimit
Nxënësit që do të aplikojnë duhet të plotësonjë formularin e aplikimit dhe ta dërgojnë atë përsëri tek JDJ Albania, së bashku me taksën e regjistrimit.

Pasi është marrë aplikimi, universiteti do të kërkojë informacion akademik (raport të shkollës ose transkript dhe të paktën dy referenca, zakonisht nga mësuesit e Anglishtes dhe Matematikës) nga shkolla aktuale e studentit.

Kërkohet gjithashtu, që të plotësohen formularët e Zgjedhjes së Gjuhës (Klasa 6-10) ose fleta e Kurseve Paraprake (Dilpoma IB, Klasa 11 ) për t'i dhënë mundësi shkollës të kontrollojë kombinimet e lëndëve.

Nëse niveli i gjuhës nuk mund të përcaktohet paraprakisht do të jetë e nevojshme për të bërë testin e gjuhës.