Çfarë ne Ofrojmë...

Shkolla Verore
Shkolla Verore është një përvojë akademike unike që ofrohet për studentët e moshave të ndryshme në shkollë të mesme, kolegj apo universitet, dhe i shërben gjithsejcilit për një qëllim të caktuar që mund të jetë gjuhë e huaj, sport, art. Ky është një program që ofrohet gjatë periudhës së verës. Pas përfundimit të shkollës verore studentët përfitojnë një çertifikatë e cila ka vlera për të ardhmen e tyre.

Viti Shkollor Jashtë Shtetit
Viti Shkollor Jashtë Shtetit (AYA) është një program ndërkombëtar i shkëmbimit të studentëve të shkollës së mesme deri në moshën 17 vjeç i cili i lejon studentët të zhvillojnë një vit ose një semestër akademik në SHBA, Britani të Madhe, Spanjë, Itali, Gjermani etj.Të rinjtë do të përjetojnë një eksperiencë të pashlyeshme në memorien e tyre dhe për këtë duhet vetëm të zgjedhin destinacionin drejt kësaj eksperience.

IB Middle Years Programme
IB Middle Years Programme (MYIB), është një program akademik për studentë të moshës 11 - 16 vjeç. Ky program ka një strukturë sfiduese akademike ndërkombëtare dhe ofron studimin e lëndëve, aplikimin e tyre në praktikë dhe inkurajon zhvillimin e mendimit kritik. Programi konsiston në tetë lënde të integruara në pesë fusha të ndryshme duke i ndihmmuat të rinjtë të dalin përtej leksioneve klasike që merren në shkollë. Në vitin e fundit të programit nxënësit angazhohen në një projekt personal që u lejon atyre të nxjerrin në pah aftesitë që kanë përfituar gjatë gjithë programit. Pas përfundimit të MYIB studentët janë gati për të filluar Matura Ndërkombëtare.

Matura Ndërkombëtare ( I B )
Matura Nderkombetare (International Baccalaureate) është programi Akademik më i lakmuar nga studentët. Aktualisht ofrohet në më shumë se 600 shkolla në botë dhe JDJ Albania ofron për studentët shqiptarë shkollat e mesme më në zë. Të jetosh në shekullin XXI, në këtë botë të globalizuar duhet të kesh të zhvilluar mendimin kritik dhe sensin e komunikimit ndërkombëtar. Është diçka kjo të cilën studentët e Maturës Ndërkombëtare I.B duhet ta kuptojnë dhe praktikojnë mjaft mirë.Programi i kësaj diplome është një program 2 - vjeçar edukimi akademik sfidues dhe balancues . Ky program përgatit studentë të moshës 16-19 vjeç dhe gëzon respekt e njihet nga universitetet më në zë të Britanisë së madhe, SHBA-së, Austalisë, Canadasë, Francës, Spanjës, Gjermanisë etj. duke garantuar pranimin dhe hyrjen me sukses në këto universitete.

Matura Britanike A-Level
Ky program ofrohet në Britaninë e Madhe dhe në të gjithë vendet e Komonuelthit. Për të gjithë studentët që duan të vijojnë studimet e tyre në një universitet britanik Diploma A-Level konsiderohet si një “Standart i Artë” i sistemit arsimor britanik dhe pranohen nga të gjitha universitetet e Mbretërisë së Bashkuar.

Viti Përgatitor Universitar
Në Britaninë e Madhe ofrohet Viti Përgatitor Universitar (Foundation Course) që shërben si urë lidhëse ndërmjet sistemit arsimor jo britanik dhe universiteteve britanike. Ky është një program 1-vjeçar i hartuar posaçërisht për të huajt, që njëson kualifikimet e studentëve pjesëmarrës me kërkesat për të hyrë në universitetet britanike. Kursi trajton një gamë të gjerë lëndësh si biznesi, informatika, shkencat e komunikimit, drejtësia, arti, dizajni, inxhinieria, dhe shkencat sociale. Metodat e mësimdhënies janë konceptuar për të zhvilluar aftësitë e studentëve në mendimit analitik dhe zgjidhjen problemeve.